ගී පද
(ඔංචිල්ලා තොටිලි කොයින්දෝ
රන්සලු පිළි වළලු කොයින්දෝ
දොයි දොයි පුත ළපටි බිළින්දෝ
රන්කඳ රැකදේවි සුරින්දෝ...//)
රුසිරෙන් සරු මල්සර පළඳා
නුවණින් ගණපති ලෙස සැමදා
තෙරුවන් වැඳ දෙවියන් පුදලා
මිනිසුන් මැද මිනිසෙකු වීලා
(සිතමින් මවගෙ කතා
දොයි දොයි දොයිය පුතා...//)
ඔංචිල්ලා තොටිලි....
සලකනු පර පණ තම පණ සේ
හොර බොරු නොකරනු කිසි දවසේ
ඉපදුනු රට දැය සහ සමයයි
රැක මළ පසුවද නම නොමැරෙයි
(හිටියොත් හොඳට හැදී
දෙවියොත් නමට වඳියි...//)
රුසිරෙන් සරු....
(හිටියොත් හොඳට හැදී
දෙවියොත් නමට වඳියි...//)