ගී පද
ඔබෙන් උගත් දෑ ලොව අගයන විට
ඔබේ දියණි දෙස සුරලොව සිට ඔබ
බලා සිටිනවද පියාණනේ//
ඔබේ මුවින් ආ නැළවිලි ගී රස
කවියෙකු හට රසවත් වූවා
ඔබේ නෙතින් මා දුටු ඒ දසුනන්
සිත්තරාට සිත්කළු වූවා
ඔබේ අතින් ම නිමැවූ සිතුවම්
කලා ඇසට මිහිරක් වූවා
ඔබේ ගත මිහි තුළ සැඟවී ගිය
මා දෙරණත තනි වී හැඬුවා
ඔබෙන් උගත්...
ඔබේ උරතල මා සිට රජ වූ දින
නැත කිසිදින අමතක වෙන්නේ
ඔබේ තුරුල්ලේ මා ලැබූ සෙනෙහස
යලි කිසිදිනයක නොලැබෙන්නේ
මිහිකත පැරදු ඒ මහා සෙනෙහස
නැත කිසිදෙයකට සම වන්නේ
පියාණනේ මතු හැම භවයකම
මා ඔබේ පොඩි දියණිය වන්නේ
ඔබෙන් උගත්...