ගී පද
ඔබ මගේ වුණේ මා ඔබේ වුණේ
(අපි හමු වුණු මුල් දිනේ//)
සිත උමතු වුණේ ගත උමතු වුණේ
තවමත් මතකයේ මැවේ
ඔබ හමු නොවුනා නම් මගේ දිවියම අවදානම්
සිත විඳිනා මා හැඟුම් තහනම්
පෙම විඳගමු අපි එහෙනම්...
දුරට වෙලා උන්නට ළඟ ඉන්නවා වගේ
දෑස පියාගත්තත් ඔබවම සිතින් මැවේ
ආත්මගත ආදරේ හැඟුම් පිරි පපුවේ
උතුරා යන ඔබේ ආදරෙන් හදවත සුවෙන් ගැහේ....
ඔබ හමු නොවුනා නම් මගේ දිවියම අවදානම්
සිත විඳිනා මා හැඟුම් තහනම්
පෙම විඳගමු අපි එහෙනම්...
සුසුම් මැවූ සිත්තම් මට දැනෙනවා ඔබේ
වැළඳ බලා ඉන්නම් කොඳුරන අතරතුරේ
ආත්මගත ආදරේ හැඟුම් පිරි පපුවේ
උතුරා යන ඔබේ ආදරෙන් හදවත සුවෙන් ගැහේ....
ඔබ හමු නොවුනා නම් මගේ දිවියම අවදානම්
සිත විඳිනා මා හැඟුම් තහනම්
පෙම විඳගමු අපි එහෙනම්...