ගී පද
ඔබ ගැන තතු මට කියන්න කවුරුවත්ම නෑ
අපි විරසක වෙලා ගියා කවුරුත් දන්නෑ
ඔබෙන් මිදෙන්නට හැකි නම් මේ හැටි ඉන්නෑ
(මමත් මගේ හිතත් හඬන හැටි ඔබ දන්නෑ....//)
මද්දහනේ ගිනියම් බව මට තේරෙන්නෑ
වැහි වහිද්දී හීතලයිලු මට දැනුනෙම නෑ
ජීවිතයම ඔබෙන් තොරව ගෙවනු දන්නේ නෑ
(මෙතරම් පෙම් කළත් ඔබට, ඔබ මට හිමි නෑ//)
මට සෙනෙහස ඇති තැන් ළඟ සිත ලෙන්ගතු නෑ
ලෙන්ගතුකම් වැඩි වුනාම දුක ඇයි දන්නෑ
හිත සොයනා හිත නොලබන සෙනෙහස ඔබ පෑ
(මතු කවදාවත් ආයෙම මගේම වෙන්නෙ නෑ...//)
ඔබ ගැන තතු...