ගී පද
නවතින්න හිත අස්සේ මම එන්න ඇහුවාම
නුඹ හොරෙන්බිම බලන් ඉන්නවා
ළං වෙන්න බැරි කමට දුර ඉඳන් බැලුවාම
හිත දුකම ඇස් දෙකෙන් ගලනවා
නුඹ නොදැක පිට පාරෙ මම යන්න හැදුවාම
ඇස කොනින් රැස් කැළුම් හෙලනවා
ඇස් කඳුළු සඟවාම හිනහෙන්න හැඳුවාම
හිත යටින් ගිනි ගොඩක් දැවෙනවා
සුදු සේල සළු ඇන්ද නමුණුකුල කඳු යාය
හැමදාම අප දිහා බලනවා
නුඹ මගෙම වෙන්නැතුව දුර ඉන්න හින්දාම
දුන්හිඳත් හරි සැරෙන් හඬනවා
ඉර පිපෙන ගම් දොරට කුරුළු ගී හඬ එක්ක
නුඹේ රුව පාරේ වඩිනවා
මම මෙහෙම හැංගුනට හිත හනික වැට ළඟට
නුබේ රුව දැකගන්න දුවනවා
නවතින්න හිත අස්සේ ....