ගී පද
කිමද රාවණා නුඹ නේන කාරණා
කන්කලු රාවණා වෙණ නද නෑසෙනා
හදවත පාරණා පැතිරෙන කාරණා
කඳුලු බර වැඩී දෑසට රාවණා
කාරණා මං කියන්නම්
පෑරෙනා හිත හදන්නම්
වේදනා පිස නිවන්නම්
රාවණා මා
මන්දෝදරී
සක්වලින් පිට පවා රැව් දුන් අපේ ආදර අන්දරේ
ප්රේමයේ දෙවඟන නුඹයි ගිරි මාලිගේ
මදාරා මල් අතර සැගවූ ප්රේම ආලක මණ්ඩපේ
මියෙන තුරු සොඳුරුතම රතිගන
නුඹ තමා මන්දෝදරී
කාරණා මං කියන්නම්....
අඳුරු කළුදිය පොකුණ සැඟවුන
කටුක අමිහිරි බෝ රහස් ඇත
අතීතය සිත ගොළු කරයි මා ආදරී
ගැඹුරු සිතුවිලි අතර සැඟවී
නුදුරු ලෝකයෙ සැඟව යමු අපි
අතීතය හීනයක් නොව මන්දෝදරී
කාරණා මං කියන්නම්....