ගී පද
මගෙ කිරිකැටි යව්වනයේ දොරකඩ මේ...
මගෙ තුරුණුවියේ හැඟුමන් අවදි වුණේ
සිතිවිලි තෙරපෙන යාමේ ඔබ ආවේ
ඔබ පිළිගන්නට මා නැහැ දන්නේ
ඔබෙ තොල් පෙතිවල නලියන වදනක් මා දුටුවේ
ඇයි ඔය දෑසේ හැඟුමන් එහෙ මෙහෙ දිව යන්නේ
සිත කිති කවනා හදවතෙ හැඟුමත් මට දැනිලා
මුළු ලොවට හොරා ඔබෙ රුව වටලා මගෙ සිත බැඳීලා
රෝස පෙතිවගේ ඔය තොල් දෙක ඔබෙ සියුමැලිද
සළු පට අතරේ සැඟවුණු ඔය රුව හරි හැඩද
මගෙ කුල්මත් වී සිත සන්සුන් නෑ ඔන්න
නොරිදා සෙනෙහස පවසන්නට මට ඉඩදෙන්න
මගෙ කිරිකැටි යව්වනයේ දොරකඩ මේ
මගෙ තුරුණුවියේ හැඟුමන් අවදි වුණේ
සිතිවිලි තෙරපෙන යාමේ ඔබ ආවේ
ඔබ පිළිගන්නට මා නැහැ දන්නේ....