ගී පද
ලා හිරුගේ එළියේ සිත සන්තෝසේ බෝ ඉතිරේ
මා සිත සේ පිපිදේ සුබ මංගල්ලේ මල් නිබඳේ...
ජීවිතයේ අරුමේ හිතෙහී ගතු ඒ මාරුතයේ
මා මනසේ රැඳුනේ ඔබේ ආදරයේ ගී මතකේ...
මව් පිය නෙත් අතරින් ගැලුවේ කඳුලයි සෙනෙහේ
ජීවිතයේ මෙතුවක් ලද ඒ උණුසුම් සුවඳේ
මං කෙලෙසින් ඉගිලී යමි ඒ සුවඳින් මෙලෙසේ
මල් කලඹේ ගුලිවෙයි අපගේ හැඟුමන් දෙහදේ...
ලා හිරුගේ එළියේ...
හිත් උණුසුම් කරනා සිසිලැල් කඳුලැල් පිසදා
මල් නැකතේ යමු දැන් දෙගුරුන් සෙවනින් මිදිලා
රන්හුයකින් බැඳි දා දහසක් පැතුමන් මෙලෙසේ
මල් වැස්සේ වැගිරේ උණුසුම් සුපැතුම් දසතේ...
ලා හිරුගේ එළියේ...
ජීවිතයේ අරුමේ...