ගී පද
කුරුල්ලන්ට ගී ගයන්න ඔබෙ කට හඬ දෙන්න
නෙළුම් විලේ මල් පිපෙන්න ඔබෙ දොකොපුල දෙන්න
මැණික් වලට දිස්නෙ එන්න ඇසේ කැළුම් දෙන්න
නා දල්ලට පාට එන්න ඔබෙ තොල් පෙති දෙන්න......
ගලන ගඟට රළ නගන්න ඔබෙ කඳුලැළි දෙන්න
ඉරට හඳට එළිය එන්න ඔබෙ හසකැන් දෙන්න
නීල වළා සළු එළන්න ඔබෙ කෙහෙරැළ දෙන්න
දේදුන්නට හැඩය ගන්න ඔබෙ නෙත් බැමි දෙන්න.....
කුරුල්ලන්ට ගී......
තණ නිල්ලට ඔබෙ දෙපතුළ මොළකැටි බව දෙන්න
නළ රැල්ලට ඔබේ සුසුම් වල සිහිලස දෙන්න
ජිවත් වන ඩිංගට මට සැනසීල්ලෙන් ඉන්න
(එපා මැණිකෙ සිත පමණක් කිසිවෙකුටත් දෙන්න.....////)