ගී පද
කොහේද කොහේද අපේ ලොවක්
කොහේද කොහේද අපේ රටක්
මුරකාවල් නැති වැට කොටු බැමි නැති
අපේම අපේම නවාතැනක්...
රාජ කුමාරයන් කුමාරියන් ඉන්න පළාතක්
නපුරු රාස්සයන් රාස්සියන් ඉන්න කැලෑවක්
පුංචි සුරංගනාවන් සැඟවී ඉන්න වළාවක්
අපට හිතුමතේ රජ කරගෙන ඉන්න දිහාවක්...//
කිඳුරු විමානයට පාර ළඟයි එන්න යාළුවේ
මුහුදු හතක් එහා ඔරු පදින්න එන්න යාළුවේ
මකර කටින් නාග භවනට යමු එන්න යාළුවේ
අපිම අපේ ලොවක් සොයා ගන්න එන්න යාළුවේ...//