ගී පද
කවුරුවත් නැහැ - කවුරුවත් නැහැ
එගොඩට යන්නට - එගොඩට යන්නට
ඉරගල වැටිලා - ඉවුර දෙපැත්තේ
අඳුර ගලනවා - පාරුව ඇතුලට
ලංතෑරුම කෝ ඔහෙ තිබුනාවේ
කවුරුවත් නැහැ - කවුරුවත් නැහැ
දවසින් දවසම පාලම හැදුනා
පාලම් මොලෙන් හෙන හඩ ඇසුනා
කිරල කැලෑවේ කුරුළු කොබෙයියන්
ගම හැරදා යන්න ගිහින්
කවුරුවත් නැහැ - කවුරුවත් නැහැ
එගොඩට යන්නට - එගොඩට යන්නට
දෑතේ අතැඟිලි හබලට ගෙවුනා
ගෙනියන්නට බැරි මහ බර තිබුනා
මෙතුවක් නොම ගිය බර අද දවසේ
මට හිනැහීගෙන යනවා වාගේ
කවුරුවත් නැහැ - කවුරුවත් නැහැ
එගොඩට යන්නට - එගොඩට යන්නට
ඉරගල වැටිලා - ඉවුර දෙපැත්තේ
අඳුර ගලනවා - පාරුව ඇතුලට
ලංතෑරුම කෝ ඔහෙ තිබුනාවේ
කවුරුවත් නැහැ - කවුරුවත් නැහැ