ගී පද
කවුළුව අතරින් සඳ රැස් එනවා
පොල් අතු වහලින් පිනි බේරෙනවා
සොඳුරිය මාගේ පුංචි පුතා
මා උකුලේ තියා නලවනවා....
අඳුරුය පාළුය නිසලය මේ රැය
සීතල සුළඟ ද ඒය හමා
වවුලන් ඉගිලෙයි දොරකඩ අරඹේ
බකමූණෙකු ඉඳ නද දෙනවා
සොඳුරිය මුමුණන නැලවිලි ගීතය
සුරංඟන ගීතය පරදනවා...
කවුළුව අතරින් .....
අග හිඟ කම් මැද ආදරේ පොදි බැඳ
අප එක්වුන හැටි සිහිවෙනවා
දින දින ගිලිහෙන දහසක් පැතුමන්
අතරේ සෙනෙහස ලියලනවා
අප අතරට වන් පොඩි පුත බැදි දම්
දිවි සටනට දිරි ගෙන දෙනවා....
කවුළුව අතරින් .........
සොඳුරියගේ දොයි දොයි හඬ නෑ දැන්
නිදිමත වී හිස බරවෙනවා
ගේ දොර වැඩපල හිරිහැර කරදර
මා හින්දා ඈ ඉවසනවා
නිදියනු සොඳුරිය නිදියනු මා පුත
දෙවියෝ මට ඔබ රැකදෙනවා.....
කවුළුව අතරින් .........