ගී පද
කරදර පොදි බැඳ ගැල පිට පටවා
කරුමයෙ කළු ගොනු පෙරටුවෙ බැඳගෙන
මේ ජීවන මඟ අප යනවා
ඒ ගමනේ දුක් දාහෙ නිවාලන
(සී පද මුවගින් පිට වෙනවා....//)
අප යන මේ මඟ කළු ගල් මතු වී
පය රත් වීලා බුබුළු නැඟෙන සඳ
දෑසින් කදුළැලි පිට වෙනවා
ඒ ගමනේ දුක් දාහෙ නිවාලන
(සී පද මුවගින් පිට වෙනවා....//)
කිරිගල් පොත්තේ කන්ද නගින විට
ගම සිටිනා ඔබ හදේ ඇඳෙනවා
ඒකෙන් ගමනට හිත දෙනවා
ඒ ගමනේ දුක් දාහෙ නිවාලන
(සී පද මුවගින් පිට වෙනවා....//)