ගී පද
කාගේ පියසටහන්දෝ මගේ මතක උයනේ
ඒ ඔබගේමයි වෙන කිසිවකු නෑ මෙහි සැරිසැරුවේ......
මලක් මලක් ගානේ ඔබගේ සුවඳ රැඳුනේ
ගහක් වැලක් ගානේ අපේ රහස් වැලපේ
සිහිල් සුළඟ සුව දී යළි විසිරි යන්නේ
ඔබේ හිත වාගේමයි නැහැ එක්තැන් වන්නේ.....
කාගේ පියසටහන්දෝ......
යස ඉසුරින් ඔපලා නෑ සිත් සැනසෙන්නේ
කඳුලින් සැරසු දේ දිගු කල් පවතින්නේ
පාළුයි හිස් ගුවනේ නිමා නොකළ ගීතේ
එය වටහා දෙන්නේ ආදරයේ අරුමේ......
කාගේ පියසටහන්දෝ......