ගී පද
සිතුවිල්ලක් විලසින් මා හද තෙරපනවා
සතුටු සිනා ලෙස මා මුව සිනහ මවනවා
කඳුළැල්ලක් විලසින් මා නෙත සෝදනවා
කෙලෙසක හෝ මා හදටම ඔබ ලංවෙනවා...
(ජේසූනී මගේ හදටම ඔබ ලං වෙනවා
සිනාවෙයි කඳුළු බිඳුවෙයි හැංඟී එනවා...//)
ගීතිකා ලෙසින් මා හද තුළ කොඳුරනවා
වේදනා තුළින් ඔබ ගැන මතක මවනවා
පාළුවේ නිසංසල බව ඔබ කැඳවනවා
කෙලෙසක හෝ මා හදටම ඔබ ලංවෙනවා...
(ජේසූනී මගේ හදටම ඔබ ලං වෙනවා
සිනාවෙයි කඳුළු බිඳුවෙයි හැංඟී එනවා...//)
පහනක් ලෙස අඳුරේ මා හා ඇවිදිනවා
තණ්හා උණුහුම හිත තුළ නිවලා යනවා
සයුරේ අඹරේ හැංගී ඉන්න හිතෙනවා
කෙලෙසක හෝ මා හදටම ඔබ ලංවෙනවා....
(ජේසූනී මගේ හදටම ඔබ ලං වෙනවා
සිනාවෙයි කඳුළු බිඳුවෙයි හැංඟී එනවා...// )