ගී පද
ඉරයි හදයි මියදුනාට පස්සේ දුක් විද
ඇත්දල මල් වඩම් වලින් යලි පණ දෙන්නද
අවැසිම විට ලැබුණේ නැති දූ දරු අත්වාරුව
දැන් මොකටද නිවන් යන්න පැන් වඩන්න ආවද ....//
සුදු කොඩි ගොක් රැහැන් වලින් සැරසිලි කර කර
ඉකි බිදින්නේ දුක කියන්නේ කාට ඇහෙන්නද...
ඉඩම කඩම අතේ මිටේ තිබිලත් නැති වුණ
ගෙදර බුදුන් මතක් වුණේ මැරුණට පස්සෙද...//
ගෙල හැඩකර සුවද මලින් පිණි ඉස ඉස..
බණ අහන්නේ වැද වැටෙන්නේ කාට පේන්නද...
කදුල සුසුම එහේ මෙහේ හැපිලම පොඩි වුණ
ගෙදර බුදුන් මතක් වුණේ මැරුණට පස්සෙද ....//
ඉරයි හදයි මියදුනාට ......