ගී පද
හිත හිර කරනා කඳුළු දෙනෙත් සඟවාගෙන තව ඉන්න ලොවෙන්
සුවඳ කොපුල් මත දුන්නු දිනෙන් නොමකා නුඹ රැකගන්න හිතින්
සෙනෙහේ මාගේ මගේ හිත නුඹගේ මල් හීනේ සරසන්න ඇවිත්
එළිය මාගේ සෙවණැලි නුඹගේ නොමැකී හිනැහී ඉන්න ළඟින්........
මල්බර සෙනෙහේට වැටකඩුළු දමන් කුල දොස් පෙන්වාවි ගුරුන්
දුක සතුට දුටුවේ අපි එකම සිතින් සෙනෙහේ නොමියේවි ඉතින්
බොල් සුළඟ ඇවිත් දොර කවුළු බිඳන් උණුහුම සඟවාවි අපෙන්
සෙනෙහේ මාගේ මගේ හිත නුඹගේ මල් හීනේ සරසන්න ඇවිත්
එළිය මාගේ සෙවණැලි නුඹගේ නොමැකී හිනැහී ඉන්න ළඟින්........
දුටු සිනහා පොකුරු හසරැලි බන්දන් හිරු සඳු සරසන්න පෙමින්
මල් පාට පිරුණු නෙතකට කැන්දන් යන්නම් නුඹ ඉන්න තුටින්
නිමක් නැතත් ගැරහුම් රිදවුම් තව දරාන ඉමු දිරියෙන්.........
හිත හිර කරනා........