ගී පද
හිරු දැවී සඳු ගිලී කප්කෙළක් තරු නිවී
අඳුරු විය විමානය හුදෙකලා මග නොමග
පැටලිලා තනිවෙලා හිරු ලෙසින් සඳු ලෙසින්
එකලු කළ මැන මහද සෙනෙහසින්
සිටු මැඳුරු යස ඉසුරු
පිරුනු ලොවකට මහරු වූ
කදෝපැණියෙක්මි මා ඇදිරියේ
කෙලෙස නම් එළිය දෙමි කුමරියේ
කතරකට පිණි බිඳකි කුමුදකට පුර සඳකි
මතකයෙන් බිඳුණු මා කුමරියේ
හිරු දැවෙයි සඳු ගිලෙයි මගෙ ලොවේ
එළිය දෙමි කෙලෙස නම්
එකලු කල මැන මහද සෙනෙහසින්