ගී පද
හීනෙක දැවටී ඇයි ආවේ රෑ කාලෙකින්
ඉඳහිට හෝ මා සිහිවෙනවදෝ නොදනිම්
හඬා නතර වූ හදේ සෙනෙහෙ බර ඉඳුරන්
ඇහැරේවි ඔබ කොහේ කියා විමසමින්...
අතින් ගත්තු හෙම් බිම වැටුණා නෑ රිදවුම්
සිතින් වැළඳගත් ඔබ නෑ එබැවින් රිදවුම්
සැබෑ ලොවේ කවදා හෝ ඒ නම් සැනසෙම්
හීනෙන් පතන්නේ නෑ ඔබ එහි නෑ සැනසුම්...
සිනා සලා පුරා හිඳීනා මිසකින්
සිතුම් නිහඬ කර ඇත්තේ මා බොරු රසකින්
හීනෙන් හිනැහී ඇවිදින් මා සිත නොතලන්
ඉන්නම් ඉවසා ගෙන එන්න දිනෙක ඔබ හැබැහින්...