ගී පද
හීන් සැරේ හිතට මගේ සෙනෙහස පාලා
ඔයත් මගේ මමත් ඔබේ මතකද කීවා
සැරින් සැරේ පැයෙන් පැයේ ඇමතුම් ආවා
හදිස්සියේ වෙනස් වුණේ කොහොමද ඒවා
හිත මගේ පාර පාර යනවද ඈත ඈත
මේ හිත තනිකර දාලා
(අවංක හින්දා ආයේ වැරදුණා
හිතන්න දේවල් නෑ හීන බොඳ වුණා......//)
ජීවිතේට මේ තරමට බැඳිලා කාටවත්ම නෑ ආදරේ දීලා
සංසාරේම ඔබේ වෙන්න හිතලා
මගේ හිතටම ඇයි පිටුපාලා
වෙන් වී යන්න ගියා කඳුලක් ඉතිරි කළා
ඔබ හට නෑසේද මේ වේදනා
අවංක හින්දා ආයේ වැරදුණා
හිතන්න දේවල් නෑ හීන බොඳ වුණා......
හදවතින්ම පිදුව මාගේ සෙනෙහේ
අඩුවක් කවදා කෙලෙසද වූයේ
හිතාගන්න බැරි මේ දුක දුන්නේ
හැම දේටම ළඟින් සිටි ඔයානේ
වෙන් වී යන්න ගියා කඳුලක් ඉතිරි කළා
ඔබ හට නෑසේද මේ වේදනා.......
හීන් සැරේ......