ගී පද
එරබදු මල් පිපිලා ගම කල එළිවීලා
කොවුලන් ගී ගයනා නව අවුරුදු ආවා//
බත බුලතින් පිරිලා රබන් සුරල් වැයෙනා
ඔන්චිලි ගී ඔන්චිල්ලේ සූරිය මංගල්ලේ...//
කැවුම් කොකිස් අලුවා රඹකැන් සුවඳ වෙලා
මුං අතිරහ බැලුවා ගෙවිලියෝ එකතු වෙලා
පැණි වළලුද හදලා
පංච දාම් අදිනවා අඩුය වැඩිය කියනවා
මිනිරන් ගහ නගිනවා රවුමට පුටු තියනවා
සින්දු රවුම ඇදෙනවා...
පුංචි පැංචි රංචුවයි අලි බබාගේ හැඩ බලයි
අලි පැටියට ඇහැ තියයි අවුරුදු සිරිබර කරයි//
කබඩි ගුඩුද පනිනවා පොල් අතු හැඩ දමනවා
කඹ ඇදිල්ල දෙස බලා ගමේ දෙපිල නටනවා...