ගී පද
එකම එක වරක්වත් ආදරේ කියන්න
රුහුනු දුම්රියෙන් අද රෑ ගම රට එන්න
කවි ලීවට ගී ලීවට කොලේ පිරෙන්න
හිත පිරෙන්නෙ නෑ කුමරුනි ඔබ ලඟ ඉන්න
හිතේ කාන්සිය නිවන්න පාර කියන්නේ
සුදු වැල්ලයි මුදු වෙරලයි තනියට ඉන්නේ
වැටකෙයියා මල් සිඹගෙන පෙම් නල ගුවනේ
පාවෙන සුලඟට දැනුනා ඔබ නැති අරුමේ
නිදි නැති රෑ යහන පුරා හීනෙන් තනිවී
ඔබ යන එන මග බල බල සිත තනි රකිමී
හෙට හිමිදිරියෙම කියන්න තුරුලේ නැලවී
හුරතල් පෙම් බස් බොහොමයි දෙතොලඟ සිරවී