ගී පද
ඒ කාලේ වාගේ ඔබ ගාව ඉන්න
ආසයි ඔබේ සිනහව දකින්න
පෑයූ සඳේ රැස් දෑතින් වසාලා
මේ සීත යාමේ උණුහුම විඳින්න
ඒ කාලේ මා ගාව උන්නා මතක නම්
ඒ කාලේ වාගේ ඔබ ගාව ඉන්න
ආසයි ඔබේ සිනහව දකින්න
මතකයිද රහසින් කීවා ඔබ මගෙ කියාලා
ලඟ ඉන්න ආසයි කිව්වා සසරේ සදා
ඒ හීන හිත ගාව ඇවිලී දැල්වුනා
නුඹේ ආදරේ තාමත් හිත ඉල්ලුවා
හමුවෙන්නෙ නැති වෙයිද දෑස ඇහුවා
හිත ගාව ඔබ ඉන්නවා
පොද වැස්සෙ දෙන්නා තෙමුනා මතකද තුරුල් වී
වෙන් වෙන්නෙ නෑමයි කිව්වා දිවුරුම් දිදී
ඒ පාර හිත ගාව සිතුවම් මැවෙනවා
ඔබෙ ආදරේ තාමත් මං විඳිනවා
හමුවෙන්නෙ නැති වෙයිද දෑස ඇහුවා
හිත ගාව ඔබ ඉන්නවා
ඒ කාලේ වාගේ ඔබ....