ගී පද
දුටුව දා ඉඳන් ලොව මම ඉපදීලා
හරිම ආදරෙන් මා නිසි මග යවලා
පළඳින්න බැරි වුණා රජ කිරුලු පෙන්වලා
එය පළඳිනා තුරා මට ශක්තිය යොදවා
(භවෙන් අඩක් කැප කරලා දරුවන් හින්දා
දෙමව්පියන් මිහිපිට දුක් සේරම වින්දා.....//)
දිව රෑ පුරා මහන්සිය දරා
අතේ පයේ කරගැට එනකල් වෙහෙසීලා
හදේ ගිනි නිවා අපේ දෙස බලා
හිත ඇතුලෙන් සතුටු වුණා අපේ තාත්තා
(භවෙන් අඩක් කැප කරලා දරුවන් හින්දා
දෙමව්පියන් මිහිපිට දුක් සේරම වින්දා.....//)
රැයේ නිදි වරා දොවා කිරි පොවා
බඩේ ගින්න දරු කැක්කුම නිසා සඟවලා
බුදුන් වැඳ පුදා පහන් දල්වලා
නිරන්තරේ පැතුවේ අපේ සතුටයි අම්මා
(භවෙන් අඩක් කැප කරලා දරුවන් හින්දා
දෙමව්පියන් මිහිපිට දුක් සේරම වින්දා.....//)
දුටුව දා ඉඳන්.....