ගී පද
දුනුකෙයියා මලක් වගේ දුරට පෙනෙනවා
වැටකෙයියා මලක් වගේ සුවඳ දැනෙනවා
පසළොස්වක සඳ වාගේ එළිය ගෙනෙනවා
මගෙ අම්මා මට ජීවන සුවය සදනවා
සංසාරෙන් සංසාරෙට එකට හා බැඳී
කෙනෙක් නොමැත දරුවෙකු හට මවක් සේ ලැදී
අම්මා යන සමාධියට සිටිමි සම වැදී
ඔබෙ ගුණ කීමට හෝඩියෙ අකුරු මට මදී
සිවු බුදුවරු දුටු ලෙස එක දින එක පිම්මේ
ඔබ දුටුවම මගෙ දුක් ගිනි නිවෙනව අම්මේ
සක්විති රජවරුනගෙ දන ඔබ ළඟ නැම්මේ
(සිරිමහ බෝමුල මතු දින බුදු වෙනු අම්මේ...///)