ගී පද
දියවන්නා ඔය බලන්න ඔබ ළඟදීම එන්න
පිපී වැනෙන ඇහැළ මලට කඳුළු එපා දෙන්න
වැටී හඬන ඇහැළ මලට හිනා වතුර දෙන්න
මගේ ආදර මිහිරේ හීනෙන්වත් එන්න........
සීතල නා දළු හෙවණේ සීහිලෙන් මුමුණන්න
ආදර මල් වරුෂාවේ යළි යළිත් තෙමෙන්න
පෙරදා ආ ඒ සරසවියට යළි මා කැඳවන්න
මගේ ආදර මිහිරේ හීනෙන්වත් එන්න........
එදා වගේම මල් පාරේ සතුටින් පියඹන්න
මාල ගිරව් ජෝඩු පිටින් සැරිසරනවා අන්න
කැදැල්ල අපේ කැඩුණු නමුත් අහිතක් නෑ ඔන්න
මගේ ආදර මිහිරේ හීනෙන්වත් එන්න........
දියවන්නා ඔය........