ගී පද
ධර්මාධිකරණයට කැඳවීමි
ස්වාමීනී මෑ
මැගේ නම ලංකාය
ඉන්දියන් සාගරේ වසන්නී
මුසාවෙන් මුලාවී සිටින්නී
විමුක්තිය නාමයෙන් හඬන්නී
මැගේ නම ලංකාය
උපත ලැබ බොහෝ කල් සොම්නසින් සිටියාය මෑ
මල්වරව නාඹරව බබළමින් සිටියාය මෑ
සල්ලාල පාර්ෂයෙන් බොහෝ වර මිදුණාය මෑ
සිත දුබල වූ දිනෙක වියවුලෙහි වැටුණාය මෑ
කුමරි බඹසර පුදා නෙක ගැහැට වින්දාය මෑ
සලෙළුනට රැවටෙමින් සිය රුසිරු පිදුවාය මෑ
ඉසුරු සඳහා ඔවුන් උගසටද තැබුවාය මෑ
අසරණව අද මෙසේ මහමඟට වැටුණාය මෑ