ගී පද
දේදුන්න මැකෙනවා...
ඔබ යන්න සත්පාට
නෙත් මානයේ බොඳ වී ඉන්න
විඳිමි රහසේ හුදකලා දුක
කමක් නෑ ඔබ යන්න...
දැවෙන කතරක විඳපු සදරැස
ලොවට රහසේ නිවපු හැටි ඔබ
මතක ගුලි කර තබා හිත යට
සුවඳ අරගෙන යන්න යයි ඔබ
විඳිමි රහසේ හුදකලා දුක
කමක් නෑ ඔබ යන්න...
සංසාරේ හුරුපුරුදු සුවඳක
පහස මාගේ නෙතු ළඟම තැවරුව
සුමුදු මල් පෙති පවා ඔබ ළඟ
ඒ සුවඳ ඔබ රැගෙන යන විට
විඳිමි රහසේ හුදකලා දුක
කමක් නෑ ඔබ යන්න...
දේදුන්න මැකෙනවා...