ගී පද
හිතා ගන්න බෑ ඔබත් මා දමා යයි කියා
නිමා නොවන හීන කන්දක් හිතේ පුරවලා
මම යනෙනා මග තොටේ මුණ ගැහුණොත් රුව ඔබේ
නොහඳුනනා ලෙසින් යන්න එපා රත්තරනේ
(දවසක තේරෙයි මගෙන් ලද ආදරේ ඔයා
වෙන කාගෙන්වත් ලබන්නට නම් බැහැ කියා...//)
අව්වෙ වැස්සේ වෙහෙසිලා කාටවත් මා අත නොපා
ලද සොච්චම් මුදලින් ඔබගේ යහපත සිතා
දිව්ය ලෝක මෙහි තනා ජීවිතය ගැන නොසිතලා
නොකෙරුව දෙයක් නෑ ඔබව සනසන්න මා
මම යනෙනා මග තොටේ....
පෝසතෙක් වෙත ලං වෙලා මාගේ හිමිකම පිරිනමා
ඔබ යන්නට ගියත් ඉහලා ලන්සුව තියා
ඈත ගිය දුර දෙස බලා ආයෙ එන්නට යයි කියා
මම වැඳ වැටෙන්නෑ ඔබේ දෙපා දෙපාමුල හඬා
මම යනෙනා මග තොටේ මුණ ගැහුණොත් රුව ඔබේ
නොහඳුනනා ලෙසින් යන්නෙපා රත්තරනේ
හිතා ගන්න බෑ ඔබත් මා දමා යයි කියා
නිමා නොවන හීන කන්දක් හිතේ පුරවලා
මම යනෙනා මග තොටේ....