ගී පද
දෑසින් වෙන් වී මා ඔබේ දුරු රට තනිවීලා
රහසින් සැනසෙමි පෙම් පහසේ ඔයාට තුරුළු වීලා
මොහොතක් නෑ ගත වී යන්නේ ඔබ ගැන නම් නොසිතා
සිත රිදවාගෙන තැවෙන්නෙපා මං ආදරේ නෑ කියලා
(සිනාව පේනවා රෑ සිහිනෙන්
ආදරේ දැනෙනවා ඊයේට වැඩියෙන්......//)
පුංචිම දේටත් කඳුළු සලන්නේ සැක සංකා හිතිලාද හදේ
ආදර වදනින් යළි අමතන්නේ තරහා වෙලා ඉන්න බැහැනේ
දුක සැප ළඟ මා හැර නොයනා මුළු ජීවිතයම මගේ ඔයා
(සිනාව පේනවා රෑ සිහිනෙන්
ආදරේ දැනෙනවා ඊයේට වැඩියෙන්......//)
වෙන් වී ඉන්නේ මා මෙලෙසින් සිතකින් නම් නොවෙයි ඔබෙන්
යළි එනතුරු මා ඔබව සොයන් හිඳින්න මගේ හදවතට ළඟින්
තනි නොකරමි මා කිසිදා මුළු ජීවිතය මගේ ඔයා
(සිනාව පේනවා රෑ සිහිනෙන්
ආදරේ දැනෙනවා ඊයේට වැඩියෙන්......///)