ගී පද
උන්මාදයෙන් මං කළත් පොඩි ඔල මොට්ටල කං
දන්නවා නේද නුඹේ හද නොරිද්දන බව හිතා මතා නම්
රත් දෙතොල් පෙති අග රැඳුණු ආදරේ රොන් රස විඳිමින්
නුඹෙන් තොර ලෝකයක් කෙලෙස හීනයකින්වත් දකින්නදෝ මං.......
අදහගන්න බෑ මේ මමදෝ ඇත්තට මේ සිතුවිලි මගේදෝ
ඔබ තමා හද හැදිනුවේ හැම මොහොතේම ළඟ ඉඳලා
සිතක හැඟුම් පිළිගන්නවදෝ සිත් වල හැඟුම් දැනෙනවදෝ
නෙතට නෙතක් හමුවන හැම මොහොතකදී
හද ගැහෙනා රිද්මය ඩඩම් ඩඩම් ඩඩම් ඩම්
නුඹේ සවනට කොඳුරා කී දා සත්තයි නුඹේ හද ආලය මං
හද ගැහෙනා රිද්මය ඩඩම් ඩඩම් ඩඩම් ඩම්
නුඹේ සිනහා කැළුම් මත් කර හැමදාමත්
පිබිදෙන්නට ඇත්නම්......
හද රිද්මය තේරේ මොහොතක සන්සුන්
සිත ඉපිලේ රහසේ හද රැඳෙනා සුන්දර මතකය
ඔය නෙතු පමණයි මිහිරේ
නුඹ ආදරේ මා හදවත උනනා රුධිරය වාගේ
මියැදේවි නුඹ ගියොතින් නම් මට දිවි පොවනා හුස්ම නුඹයි.....
අදහගන්න බෑ.....
සිදංගනාවක් මා ළඟ බව දැනිලා මා හද ගැස්ම සන්සුන් වෙලා
සුර ලෝකෙන් ගෙනා ඒ ආලෙන් මා ලෝකය සුවපත් කළා
හද ගැහෙනා රිද්මය ඩඩම් ඩඩම් ඩඩම් ඩම්
නුඹේ සවනට කොඳුරා කී දා සත්තයි නුඹේ හද ආලය මං
හද ගැහෙනා රිද්මය ඩඩම් ඩඩම් ඩඩම් ඩම්
නුඹේ සිනහා කැළුම් මත් කර හැමදාමත්
පිබිදෙන්නට ඇත්නම්......