ගී පද
බුදු හාමුදුරුවනේ.. බුදු හාමුදුරුවනේ..
බුදු හාමුදුරුවනේ.. බුදු හාමුදුරුවනේ..
කුළුණු නුවන් යුග යොමා බලනු මැන
යලිත් මෙලොව බුදු පියාණනේ
පින්බිම සැනසූ දළදා සමිඳුන්
අබියස හෙණ පිපිරී
ජයසිරි මහ බෝ සමිඳුන් පාමුල
සිවුරක ලේ තැවරී
අඳුරු ලොවට පුන් පෝදා සඳ වී
යලිත් වඩිනු මැන සම්බුදු පියාණනේ
පසළොස්වක දා ගමේ විහාරේ
බෝමලුවේ මල් පරවෙනවා
සුරා සාද වල සැනසෙන මිනිසුන්
නිරා දුකට මග පාදනවා
අඳුරු ලොවට පුන් පෝදා සඳ වී
යලිත් වඩිනු මැන සම්බුදු පියාණනේ
ඔබේ මුවින් දෙසු නිමල දහම් රස
හසරැල් සමගින් විකිනෙනවා
සුනීත පුතු වැනි දහසක් දරුවන්
ඔබ එනතුරු දුක් උහුලනවා
අඳුරු ලොවට පුන් පෝදා සඳ වී
යලිත් වඩිනු මැන සම්බුදු පියාණනේ