ගී පද
ආදරේ බිඳුනා සංසාරේටම පතපු
මා කෙරෙන් මිදුණා ඔබ මගේමයි කියා කියපු
හීන බොඳ වූවා හැමදේම බොරු වීලා
පාළුවෙන් අද මා සැනසුම ඔය හිතින් සොයපු
(ආයේ දවසක මාව මතකෙට ඒවි අනිවාරේ
එදාට ඔබ හැරගියපු ආදරේ වටිනාකම තේරේ...//)
හමුවුණු තැන්වල සිත දවනා ඒ අපගේ මතක
හැමදාමත් ඇස් දෙක තෙමුවා රහසින් ලෝකයට
යන්න ගියත් මා ගැන බිඳුවක් අනුකම්පා නොහිත
අහිමි කරන්නට නෑ හිතුවේ මා ඔබගේ සතුට
(ආයේ දවසක මාව මතකෙට ඒවි අනිවාරේ
එදාට ඔබ හැරගියපු ආදරේ වටිනාකම තේරේ...//)
රෑ නිදි නොදෙනා තනිකමට හේතුව වුණත් ඔබ
ශාප කරන්නෑ කිසිදාක මං අපේ අතීතේට
වරදක් සිදුවුණි නම් ඔබට මා දැන හෝ නොදැන
පිලිගන්නට තිබුණා මම ඔබ ගත් තීරණය....
ආදරේ බිඳුණා....