ගී පද
අතැඟිලි බන්දා මාල හතක් පළඳා
පෙරහැරකින් වැඩි සුදු මැණිකේ
මල් යායක් මගෙ හිත ළඟ පිපුණා
පැලේ පහණ නුඹ නොවෙද මගේ
පැලේ පහණ නුඹ නොවෙද මගේ
කිරි සුවඳට සුර කුමරියො වැඩියද
පුංචි පුතුන් සිහිනෙන් හිනැහෙනවා
ලොව්තුරු සුව මට මිහිපිට මැවුණද
ආදරයේ සැනසීම දැනෙනවා
අතැඟිලි බන්දා ...
දහඩිය හෙලුවට වෙහෙසක් නෑ මට
මගෙ සවියට නිල් දෑස මැවෙනවා
හෙට දවසක් ඇත අරුණලු පිබිදෙන
පුංචි පැලේ සිරිකත බැබලෙනවා
අතැඟිලි බන්දා ...