ගී පද
(බත් පත අතට ගත්තේ අපි කෑවද අසා
අත මිට හිඟ දවසෙත් නෑ නොකියපු පෝසතා...//)
ලේ කිරි නොවුනත් දහදිය වී
සත් සමුදුර පැරදෙව්වා
සමුදුර පැරදෙව්වා
බත් පත අතට ගත්තේ අපි කෑවද අසා
අත මිට හිඟ දවසෙත් නෑ නොකියපු පෝසතා
දස මසකට කලියෙන්ම ඉඳන්
මැව්වා හීන කෝටි ගණන්
ඉස්පාසුව තිබුනේ නෑනේ ලොකු වෙනකං මං
මටත් හොරෙන් මං ගැන විපරම්
කෙරුවා මගෙ පස්සෙන් ඇවිදින්
ගුණ තේජස දැක වැරදි කෙරුවේ නෑ මා නම්
දකිනෙමි ලොව විනිවිද මම
තාත්තේ ඔබට වැඳ
තාත්තේ ඔබට වැඳ
වේවැල තිබුනත් පොඩි පාරත්
ගැහුවේ නෑ කිසිදාකවත්
උපයපු හැම සතයක් ගානේ අපටයි වියදම්
සැලකුම් කෙරුවත් මදි කොතරම්
ගෙවන්න බෑ ණය කවදාවත්
මතු බුදු වේවා තාත්තා සසරේ පතනවා මම
දකිනෙමි ලොව විනිවිද මම
තාත්තේ ඔබට වැඳ
තාත්තේ ඔබට වැඳ
බත් පත අතට ගත්තේ....