ගී පද
අසීමිතයි ආදරේ
නැවුම් වේවි සිතුම් නිමේෂයෙන් නිමේෂයට
මිහිරි වේවි පැතුම් නිමේෂයෙන් නිමේෂයට
අසීමිතයි ආදරේ අසීමිතයි ආදරේ
ඔබ එනතුරු හිඳිමි පුරවා හද හැඟුම්//
සිහිවෙනවා පහස ඔබේ එළඹුනුදා ගිම්හානේ//
ඉවසනු බෑ දෑස තෙමෙයි
සෝ සුසුම් වල ගලා හැලේ
සිහින මවමි සෙමින් සැනසෙන්නට ඔබෙන්//
අසීමිතයි ආදරේ...
රෑ මැදියම නිදියහනේ සැතපෙනු බෑ නැත සහනේ//
සත් සමුදුරු බිම ඉඳලා
පැමිණෙන දා මාව සොයා
ඔබේ තොල් පෙති පියුම් දස දහස් වරක් සිඹිමි//