ගී පද
(කලා වැවේ නිල් දියවර මදි මට
මනින්න නුඹේ කරුණා
නුඹේ සෙනෙහස ගැන ගයනා ගීයට
මදි මට ඇති උපමා......//)
හදවත පිසලන පරණත් විලසට
නුඹේ මහිමය දැනුණා
සිතුවිලි උතුරන තරමට සෙනෙහස
නුඹ ගැන සිත පිරුණා අම්මේ
අම්මේ නුඹ ගැන මේ වරුණා.......
කඳුළක් උසුලා සිනහව වපුරා
පුදුමයි ඔය නෙත ඇඳුනු සිනා
රහසින් සඟවන ඔය සිත දැකලා
රහසින් මා හැඬුවා අම්මේ
අම්මේ නුඹ ගැන මේ වරුණා.......
පෙර සංසාරේ පැතු විලසින්දෝ
නුඹ ළඟ මා ඇවිදින් රැඳුනේ
මතු සංසාරෙත් මෙලෙසම හමුවී
ඔබ වේ මගේ අම්මා
(අම්මේ..... අම්මේ නුඹ ගැන මේ වරුණා.......//)