ගී පද
අම්බිලි මාමේ ඔබ මොකද කරන්නේ...//
පුළුන් වලා යටින් ඉඳන් එබිලා බලන්නේ
වටින් පිටින් ඇදෙන්නේ
මුහුන ඔබේ පිසින්නේ
සේද යොදා සැදූ වලා සළුද කියන්නේ
(පාත බලන්නේ.... මුව විහිදන්නේ...
රිදී සිනා පපා මෙලෝ එලිය කරන්නේ...//)
අම්බිලි මාමේ..
සිසිල් සුලං හමන්නේ
කුමුදු සමන් පිපෙන්නේ
අඳුරු කලා දසත බලා පැනලා දුවන්නේ
(තුරු නැලවෙන්නේ.... සුවඳ හමන්නේ...
කුසුම් තලා රේණු සලා බිම සරසන්නේ..//)
අම්බිලි මාමේ..
සියල් සතුන් නිදන්නේ
සුරන් මෙලෝ වඩින්නේ
ගුවන් කුසේ මැණික් රසේ ඔබ සරසන්නේ
(සිරස සදන්නේ... රැස් පළඳන්නේ....
සුපුන් සඳේ ඔබ නිබඳේ ලෝ පුබුදන්නේ..//)
අම්බිලි මාමේ..