ගී පද
අහසේ සඳවට තරුකැට වාගේ
ඔබ හා අප තුරුලුව හිටියේ
පුන්සඳ හිනැහේ රන් තරු තනි වී
පාළුයි අපේ ලෝකේ පෙම්බර පියාණනි
පියෙකු ලෙසින් දහඩිය හෙලුවේ
දරුවන් යහමග යොමු කෙරුවේ
අප නව ලොව ඔබ ගොඩනැගුවේ
ඉටු දෙවියෙකු මාගේ පෙරදා
අහසේ සඳවට...
මුළු පවුලක බර කර බින්දා
නිබඳ ඔබේ ගුණ පවසන්නා
අම්මා දෙනෙතින් කඳුළු සල සලා
ලතැවෙනවා අද පියාණනි
අහසේ සඳවට...
බාධක මැද නෑ නුඹ හැඬුවේ
ඇය වෙනුවෙන් ඔබ ගී ගැයුවේ
ඒ ගී හඬ යලි පණගන්වා
ගයනෙමු අප සැමදා මෙලෙසේ
අහසේ සඳවට...