ගී පද
ආදරය ආගමකි අදහන්න පුළුවන්
ආයුධය කර එයම මරවන්න පුළුවන්
පණ දෙන්න හිටි අයම නොකියාම යයි නම්
කාහටද පවසන්නෙ මගෙ වේදනාවන්
(අනුකම්පා ඔබෙ දෑසේ දැන් නැත්තට නැති වී දෝ
නුඹ හින්දා මගෙ ලෝකේ මෙතැනින් අවසන් වේදෝ)...//
වැලපිල්ල අහනවද අහසේ සඳු
දුක්විල්ල වැරදීද කියපන් තරු
ඇවිලිල්ල නවතන්න නම් ගිනි කඳු
ඇත්තටම මම මැරිලා ඉපදිය යුතූ
(අනුකම්පා ඔබෙ දෑසේ දැන් නැත්තට නැති වී දෝ
නුඹ හින්දා මගෙ ලෝකේ මෙතැනින් අවසන් වේදෝ)...//
ආයුෂය දැන දැනම නවතා දැමූ
අකුසලය මා හටම මත් වෙයි මතූ
ගැලවෙන්න ඒ පාපයෙන් බිහිසුනු
ජිවිතය අත් නොහැර රැක ගත යුතූ
ආදරය ආගමකි අදහන්න පුළුවන්
ආයුධය කර එයම මරවන්න පුළුවන්
පණ දෙන්න හිටි අයම නොකියාම යයි නම්
කාහටද පවසන්නෙ මගෙ වේදනාවන්
(අනුකම්පා ඔබෙ දෑසේ දැන් නැත්තට නැති වී දෝ
නුඹ හින්දා මගෙ ලෝකේ මෙතැනින් අවසන් වේදෝ)...///