ගී පද
ඔබ මගේ ජීවයයි - මා හදේ රිද්මයයි
කුලුඳුලේ සිත් මලයි - ආදරේ
මල් පිපෙන කාලයයි - කුරුලු ගී නාදයයි
හද ගැහෙන රාවයයි - ආදරේ
ආදරේ සුන්දරයි ජීවිතේ මල් මිටයි
දිවිමගේ නිම් තෙරයි
ආදරේ ඔබටමයි ..//
ඔබ කුසුමයි මට දිවි මග තිබෙන තුරා
නෙතු බැල්මට හිරු එළියත් පරදවනා
දිගු වරලට සඳ සිසිලත් පුබුදුවනා
මේ මිහි මඩලේ සිරිදුව ඔබ මවනා
ආදරේ සුන්දරයි ජීවිතේ මල් මිටයි
දිවිමගේ නිම් තෙරයි
ආදරේ ඔබටමයි ..//
දිව යයි තැන තැන සිතනම් කීකරු නෑ
දිදුලයි දෙකොපුල් ඔබගෙන් වදනක් නෑ
කොඳුරන කිංකිනි පදවැල් එතරම් නෑ
ගං දෑලම දැන් දෙගොඩ තලන්නෙත් නෑ
ආදරේ සුන්දරයි ජීවිතේ මල් මිටයි
දිවිමගේ නිම් තෙරයි
ආදරේ ඔබටමයි ..////