Lyrics
වැට අද්දර මල් පඳුරේ සැඟවීලා හඬනවා
පොල්කිච්චෙක් මොනවාදෝ හීන් සැරේ දොඩනවා
කුසගින්නට නොවෙයි වගේ වෙන මොනවද කියනවා
තේරුම් කර කියාපන්කෝ මා බලාන ඉන්නවා…//
දුකින් නොවෙයි සතුටකිනුයි පොල්කිච්චාදොඩන්නේ
සිහින් හඬින් මා හට ඔහු කතා කරමින් සිටින්නේ
සෙමින් සෙමින් කියනා දේ මා හට දැන් හැඟෙන්නේ
මගේ ලොවේ නැති සතුටලු කුරුළු ලොවේ තියෙන්නේ…
වැට අද්දර මල් පඳුරේ…
ලොවේ පතන වෑ සාමය කුරුළු ලොවෙයි තියෙන්නේ
පියා සලා ගුවන් ගැබේ උන් සතුටින් සිටින්නේ
අහේණියක් වුව උන් නැහැ සැලකිල්ලට නගන්නේ
සතුට බෙදන සාමය උන්ගේ ලෝකයේ තියෙන්නේ…
වැට අද්දර මල් පඳුරේ…//