Lyrics
තුමුල නමුණුකුල ගිරි හිස
උදුල සඳ මඬල දුටු නෙත රැවටුණා තමයි
කිමද මේ තරම් ඒ ගැන - හිනැහෙන්නට කාරණා
මුහුණ රතු වෙලා දෙනෙතින් කඳුළු පනින තුරු එළියට
ඔහොම හිනා වෙනකොට නුඹ ලස්සනයි උමා
නුඹේ වත මඬල සඟවා - මුවා වෙන රිසින් අතුරන
සීත පිණි නිසා තිලකය පාළු වෙයි උමා
සීත මීදුමේ ඉර පට වළළු ලූ අතින් ඉවතට
ඈත් කර හොරෙන් හෙමිහිට බලාපන් උමා
කන්ද උඩ රැවින් දිදුළන - කන්ද කදිර දේවාලය
අපිට පිහිට වෙයි කියලා හිතනවද උමා
අප වටා නැගෙන උවදුරු ඈත් වී නොබෝ කලකින්
පිච්ච මල් සුවඳ විතරක් ඉතිරි වෙද උමා