Lyrics
සුළඟට සැලෙනා //
පළගැටි කුරුමිණි මෙරු හැපෙනා
ඉටි පහනක් දෝ මා
නිවි නිවි දැවෙනා දැවි දැවි නිවෙනා
මා වට මද එළියේ
පළඟැටි සේනා සැණකෙලියේ
මිහිර බිදේදෝ සිරුර සිදේදෝ
මා කෙලෙසී යාදෝ
ඉටි පහනක් දෝ මා
නිවි නිවි දැවෙනා දැවි දැවි නිවෙනා
මා වත රුව ඇදී
අනඟ රැඟුම් පා තරඟ වැදී
හදවත කලඹා ගත සිත පොළමා
නිසසල දැහැන බිඳී
ඉටි පහනක් දෝ මා
නිවි නිවි දැවෙනා දැවි දැවි නිවෙනා
කළුවර පළස ඉරා
මා වත දුබලව දැවෙන තුරා
වට කැරකෙන්නෝ සෙනෙහෙ මවන්නෝ
පණ නල ගනිති සොරා
ඉටි පහනක් දෝ මා
නිවි නිවි දැවෙනා දැවි දැවි නිවෙනා