Lyrics
සුදු නැන්දා ඇයි ගෙයි දොර වැහුවේ
මාමණ්ඩි මට ඇයි මඟහැරියේ
හීන් හඬට ඉකි බිඳුම් ඇහෙන්නේ
(හීන් නඟා ඇයි ගේ මුල්ලේ..//)
වෙනදා ඉදිකඩ අද මට හරස් වෙලා
වයිරා දොරකඩ නොබලයි ඉව අල්ලා
රිදී පොටක් හංගාගෙන ආවා
(හීන් නගේ නුඹ නෑ දන්නේ...//)
සුදු නැන්දා ඇයි ගෙයි දොර....
තටු පොරවා ගෙන සැළයා කූඩුවෙලා
කනප්පුවෙන් පැන හෙප්පුව බිම වැටිලා
පහන් පැළට අද පරමල් වැඩලා
(ගලේ විහාරෙත් ගොලුවීලා...//)
සුදු නැන්දා ඇයි ගෙයි දොර....