Lyrics
සුදට සුදේ වළාකුළයි - නිල් අහසේ පාවෙන්නේ
කන්ද උඩින් පණිවිඩයයි - පුතුට මගේ ගෙන එන්නේ
දොයි දොයි දොයි දොයිය පුතා
බයි බයි බයි බයිය පුතා
සුරංගනාවනුයි වලා - කුළු අටවාගෙන එන්නේ
හඳ මාමයි සිනා සෙසී - රිදී පාර අල්ලන්නේ
දොයි දොයි දොයි දොයිය පුතා
බයි බයි බයි බයිය පුතා
හඳපානේ මද සුළඟයි - ඒ පණිවිඩය ගෙන්වන්නේ
අහසේ රන් තරුවක් වී - දෙවියන් එය ලියවන්නේ
දොයි දොයි දොයි දොයිය පුතා
බයි බයි බයි බයිය පුතා
තව මූණකි පුතුලෙ වගේ - කන්දේ ඒ බැබළෙන්නේ
ඒ මූණයි මේ මූණයි - තව ටිකකින් සිප ගන්නේ
දොයි දොයි දොයි දොයිය පුතා
බයි බයි බයි බයිය පුතා