Lyrics
සුභ මොහොතට අළුත් ඉරක් පායා පායා
සුභ නැකතින් නව අවුරුදු ආවා ආවා
ගෙයින් ගෙයට කිරි පැණි ඉතිරේවා
කිරෙන් පිරුණු අවුරුද්දක් වේවා
ජය සිරෙන් පිරුණු අවුරුද්දක් වේවා......//
(එරබදු මල් පිපෙනවාලු කොවුල් ගීත ඇසෙනවාලු.....//)
අවුරුද්දට ගම කල එළි වීලා
(සුභ නැකැතක් ලබනවාලු ලිප ගිනි මෙලවෙනවා යාළු.....//)
(සිරිත් විරිත් අකුරට ඉටු වීලා.....//)
සුභ මොහොතට......
(ඔන්චිල්ලා පදිනවාලු රබන් සුරල් වයනවාලු....//)
යාළු මිතුරු කවුරුත් එක් වීලා
(නැකැතට තෙල් ගාපු ගාපු ගාලා නාලා ආපු ආපු....//)
(සියලු දෙනා දෙවියන් වැඳ පිදුවා.....//)
සුභ මොහොතට......
(මල් වාරම් කවි කියාපු කිරිබත් වල රස බලාපු....//)
නෑදෑයන් තෑගි අරන් ආවා
(වාද භේද නෑලු නෑලු යාළුකමෙන් බැඳෙනවාලු....//)
(අවුරුද්දේ තවත් අළුත් වීලා.....//)
සුභ මොහොතට......