Lyrics
(නැති වුවත් මවු බිමේ අඟලක් තමන්ගේ යැයි කීමට
නුඹයි හැම බිම් අඟලක්ම නිදහස් කලේ ලක් මෑණිට
ජිවිතේ හැම මිහිරි දේවල් අහිමි වූවත් ඔබ හට
දිවි පරදු කර සටන් කෙරුවේ ලක් මවුන් රැක ගැනුමට...//)
රට නසන්නට සතුරු කැල අවි දරා ආවිට දස දෙසින්
අප පුතුන් ඉදිරියට ආවේ මව්බිමට ඇති සෙනෙහසින්
කොතෙක් සිටියද මෙහෙයවන්නට යුද්දයේ සෙන්පති වරුන්
රටට ණය නැති සෙබල පුත නුඹ තමයි කණ්ඩුල ඇත් රජුන්
(දශක ගණනක් අපේ මින්සුන් විඳි අපා දුක් යුද බියෙන්
තුරන් කල ඔබ සදා නොමියෙන අපේ විරුවකි හදවතින්
ඉදිරි දිවියම ඇඳට වී ඔබ ගත කළත් අප හඬවමින්
වැය කලේ ඔබ ඔබේ අද දින අපේ හෙට දින සුරකිමින්...//)
සෙනෙවියන් සෙන්පතිවරුන් යුධ මෙහෙයවූවත් අණ දෙමින්
නොහැක මේ නිදහස ලබන්නට නොහිටියා නම් මේ පුතුන්
කැප කලේ මුළු තරුණ දිවියම දෙඇස් අත් පා දන් දෙමින්
සෙබල පුත නුඹ වැදූ මව වෙනු ඇතිය මෙපිනින් මතු බුදුන්