Lyrics
රන්පොට තෙළඹව මැණිකෙට වරම් ලැබුණ දා
අරංගලේ දී මැණිකෙට වරම් ලැබුණ දා
මලේ යන්න බැරි මැණිකේ රේණු තැලෙනවා
දොලේ යන්න බැරි මැණිකේ දොල බොර වෙනවා
ගලේ යන්න බැරි මැණිකේ පතුල රිදෙනවා
කවි කියන්න බැරි මැණිකේ උගුර රිදෙනවා
හිරුට මුවාවෙන් ඉඳගෙන හිස පීරනවා
සඳට මුවාවෙන් ඉඳගෙන සළු පොරවනවා
ගසට මුවාවෙන් ඉඳගෙන මල් පළදිනවා
අපට මුවාවෙන් ඉඳගෙන බුලත් බෙදනවා
බත් රස දන්නෝ- වෙල හඳුනන්නෝ
කවි රස දන්නෝ - කිවි හඳුනන්නෝ
කිරි රස දන්නෝ - මව හඳුනන්නෝ
මෙ තුන නොදන්නෝ - මොකට උපන්නෝ