Lyrics
පෙමාතුර හැඟුම් - ඇගේ නෙත් කැළුම්
හද සන්තානයේ සදා සරණා ආයාචනා සුසුම්
නුරාගික පැතුම් - පිපාසිත සිතුම්
මන මන්දිරයෙ කලාලය මත මී අමා බඳුන්
නියාළුව හදින් - පියා නෙතු පියන්
යොමා යුග සවන් තනි වෙමි ඇගේ ගී නදින්
මුදා නිදි දැහැන් - එබී ලෙන් දොරින්
අරාජික පාරාදීසය සොයා එමි සිතින්
පෙමාතුර හැඟුම්....
අරා සිරි යහන් - නිදා වැතිරෙමින්
සරා සළෙල සිතිවිලි ගඟ ගිලී නැහැවෙමින්
සුරා මල් පැනින් - පොඟා යුග ලවන්
පිනා පසිඳුරන් සතපමි සොඳුරු සිහිනයෙන්
පෙමාතුර හැඟුම්....